Bli ein del av Volda Fotball!
Har du lyst til å spele fotball, utvikle deg som spelar og bli ein del av eit fantastisk fellesskap? I Volda Fotball har vi eit tilbod for alle, enten du vil satse mot toppen eller spele for gleda og samhaldet. No ser vi særleg etter deg som vil vere med å løfte damelaget vårt!
Det er også moglegheiter for å få jobbe i fotballfritidsordninga eller i akademiet vårt. Perfekt for deg som ønskjer ein deltidsjobb der du får jobbe med å utvikle ein ny generasjon fotballspelarar.
Damelag: Samhald, utvikling og fotballglede
Vi er stolte av damelaget vårt, som består av ei herleg blanding spelarar i ulik alder og med ulike ambisjonar. Hos oss står fotballgleda i sentrum, hand i hand med gode prestasjonar og eit unikt samhald. Vi har to lag, slik at du kan finne det nivået som passar deg best.
A-laget (3. divisjon): For deg som vil satse
Dette er ei dedikert treningsgruppe for deg som ønskjer å utvikle deg som fotballspelar. Vi trenar 3-4 gongar i veka og spelar i den fylkesdekkjande 3. divisjonen. Her får du:
Eit ambisiøst og inkluderande treningsmiljø.
Fokus på både individuell utvikling og lagprestasjon.
Eit sterkt fellesskap der vi heiar kvarandre fram.
2. laget (4. divisjon): For deg som vil ha eit meir fleksibelt tilbod
Vil du spele fotball, men har mindre tid til overs? 2. laget vårt er det perfekte valet. Vi spelar i ein lokal 4. divisjonsserie og trenar ein-to gongar i veka. Her får du:
-
God trening og kampar i nærområdet.
-
Eit sosialt og lågterskel-tilbod.
-
Rein og skjær fotballglede saman med flotte lagvenninner.
Interessert i å vere med?
Ta kontakt med:
Hege Lill Humberset – hegelillh@gmail.com
Herrelag: Frå utviklingsarena til toppfotball
På herresida har Volda Fotball eit tydeleg og ambisiøst løp for deg som vil satse på fotballen. Vi legg til rette for at du skal kunne utvikle deg i eit trygt og godt miljø, med ein klar veg frå rekruttfotball til A-laget vårt i Norsk Tipping-ligaen.
A-laget (3. divisjon): For deg med ambisjonar
A-laget er vår spydspiss og ei ambisiøs prestasjonsgruppe for deg som vil nå langt. Her er fokuset retta mot prestasjonar på nasjonalt nivå, kombinert med eit sterkt fellesskap. Her får du:
Eit profesjonelt treningsmiljø med høge krav og forventningar.
Gode utviklingsmoglegheiter i ei gruppe med eit solid samhald.
Kampar i Norsk Tipping-ligaen.
Rekruttlaget (5. divisjon): For deg som vil utvikle deg
Rekruttlaget er den perfekte utviklingsarenaen for deg som er treningsvillig og ønskjer å ta nye steg som fotballspelar. Gruppa er hovudfokuset for utvikling og er satt saman av ein spennande miks av unge, svoltne talent og erfarne spelarar som bidreg med rutine. Her får du:
Fokus på individuell spelarutvikling.
Ein arena der du kan spele deg inn på A-laget.
Eit lærerikt miljø med ein god balanse mellom ungdommeleg pågangsmot og erfaring.
Interessert i å vere med?
Ta kontakt med:
Arild Hagen Bakke – arild@vti-fotball.no
Vil du vere med å skape fotballglede i Volda?
Volda Fotball er meir enn berre spelarane på bana. For å skape eit trygt, utviklande og engasjerande miljø for hundrevis av born, unge og vaksne, er vi heilt avhengige av dyktige og positive personar rundt laga og på våre akademi.
Instruktør på Fotballfritidsordning (FFO)
Fotballfritidsordninga vår er eit populært tilbod for born i 1. til 4. klasse rett etter skuletid. Som FFO-instruktør er du med på å skape ein trygg og kjekk arena fylt med leik, meistring og aktivitet.
Rolla di inneber:
Å planlegge og leie fotballøkter med fokus på glede og grunnleggjande ferdigheiter.
Å vere ein tydeleg og trygg vaksenperson for borna.
Å skape ein positiv start på fotballveka for våre aller yngste.
Du treng ikkje formell trenarutdanning, men du må vere flink med born, påliteleg og glad i fotball.
Instruktør på Bygg1-akademiet
Bygg1-akademiet er eit ekstra treningstilbod for motiverte born og unge som ønskjer å utvikle seg endå meir som fotballspelarar. Akademiet held eit høgt nivå på treningskvalitet og individuell oppfølging.
Rolla di inneber:
Å jobbe tett på spelarar for å utvikle tekniske og taktiske detaljar.
Å leie små grupper med fokus på høg aktivitet og kvalitet.
Å vere med på å løfte neste generasjon fotballspelarar i Volda.
Her ser vi etter deg med god fotballfagleg forståing og eit genuint ønskje om å hjelpe unge spelarar å nå potensialet sitt.
Interessert i å vere med å utvikle unge spelarar til å ta nye steg?
Ta kontakt med:
Arild Hagen Bakke – arild@vti-fotball.no