Årsmøtet er Volda Fotball sitt høgste styringsorgan. Det er her medlemane våre har moglegheit til å bestemme korleis klubben skal driftast, kva vi skal bruke pengar på, og kven som skal sitje i styret.
For at Volda Fotball skal vere ein klubb styrt av medlemane, er det avgjerande at du engasjerer deg og møter opp. Her finn du generell informasjon om korleis årsmøtet fungerer, fristar og kven som har stemmerett.
Når vert årsmøtet halde? Ifølgje lovene våre skal årsmøtet haldast kvart år innan utgangen av mars månad. Styret kallar inn til møtet minst éin månad på førehand. Innkallinga vert annonsert på nettsida vår og/eller via direkte varsling til medlemane (t.d. i Spond).
Kven har stemmerett? For å kunne vere med å stemme under årsmøtet, må følgjande kriterium vere oppfylte:
Du må vere fylt 15 år.
Du må ha vore medlem i idrettslaget i minst éin månad.
Du må ha betalt medlemskontingenten din.
Merk at ingen kan møte eller stemme ved fullmakt. Du må altså møte opp personleg for at stemma di skal telje.
Har du ei sak du vil ta opp? Medlemar har rett til å fremje forslag til årsmøtet. Dette er din sjanse til å påverke klubben si retning.
Forslag som skal handsamast må vere sende til styret seinast to veker før årsmøtet.
Fullstendig sakliste og saksdokument vert gjorde tilgjengelege for medlemane seinast éi veke før møtet.
Val og valkomité På årsmøtet skal det veljast representantar til styret og andre verv. Volda Fotball har ein eigen valkomité som jobbar i forkant av årsmøtet med å finne gode kandidatar.
Det betyr at ingen vert valde «på sparket» i salen utan at dei er spurde på førehand. Valkomitéen si innstilling vert lagt fram saman med sakspapira, slik at det er ryddig og føreseieleg for alle.
