Volda-damene har lagt ned ein solid innsats i vinter for å vere best mogleg rusta til seriestart. Ein flott treningsleir i Tyrkia, der det vart to sigrar, har gitt god inspirasjon. I tillegg har laget spelt fleire treningskampar mot lokal motstand her heime. Resultata har variert litt, med både sigrar og tap, slik det ofte er i oppkøyringa. Det viktigaste er at jentene har fått verdifull kamptrening og vist at det bur mykje godt spel i laget! Dei tapte knepent mot nettopp Hødd i SMP-cupen tidlegare i år, så revansjelysta er nok stor!

Tøff motstand ventar

Hødd har allereie starta sesongen og viste styrke med å slå Kristiansund BK 3-1 på bortebane i sin første kamp. Dei kjem garantert til å vere svoltne på å vise seg fram på heimebane. Historisk sett har kampane mellom Volda og Hødd vore utruleg jamne og spennande. I fjor vann Hødd begge seriekampane med knapp margin, men desse lokaloppgjera lever sitt eige liv, og alt kan skje.

Bli med til Høddvoll

Ein ting er sikkert: Dette blir ein intens og nervepirrande kamp frå start til slutt. Våre tøffe Volda-damer treng all den støtta dei kan få frå sidelinja når dei no skal kjempe for årets første poeng mot naboen.

Ta turen til Høddvoll torsdag kveld! Finn fram Volda-skjerfet, smør stemma og bli med og heie fram jentene våre til ein draumestart på sesongen!

Kampfakta:

• Kva: 3. Divisjon Damer Fylkesserien: Hødd – Volda
• Kvar: Høddvoll Kunstgras
• Når: Torsdag 24. april kl. 18:30

Møt opp og støtt Volda-damene!